Unha menor foi levada ao hospital este domingo tras ser sacada da auga nunha piscina de Monforte de Lemos. Segundo informou o 112 Galicia no seu boletín, sobre as 18.00 horas un particular avisou pedindo axuda para a nena, que se atopaba na piscina do Club Fluvial.

Segundo o seu testemuño, a pequena caeu á auga, pero lograron sacala con rapidez, sen que fose necesaria a intervención de equipos de rescate. Con todo, comezáronlle a practicar a reanimación. Ao lugar desprazouse unha dotación de Urxencias Sanitarias de Galicia-061 que, finalmente, trasladou a menor ao Hospital de Monforte.