As obras, que teñen un orzamento de 252.000 euros darán comezo, previsiblemente, a primeira quincena de xullo e contarán cun prazo de execución de tres meses. Á súa construción hai que engadirlle o reforzo do firme, as beirarrúas, o acondicionamento dos entroncamentos das vías trasversais, a reposición da drenaxe e da sinalización viaria e defensas.
A construción das beirarrúas comprenderá o tramo, pola marxe esquerda, entre as glorietas de Abeledos e a Corredoira, e na parte sueste da glorieta dos Abeledos darase continuidade á beirarrúa xa existente.
Aproveitando as actuacións levadas a cabo nesa zona da cidade, reforzarase a iluminación no ámbito da obra, colocando novos báculos con luminaria LED nos pasos de peóns. A iluminación nas novas glorietas consistirá en farois centrais, formados por columnas de aceiro galvanizado con catro proxectores suxeitos e tamén con luminaria LED.
[…] 23 de xullo, darán comezo os traballos de construcción das dúas glorietas proxectadas para a Ronda Emilia Casas Baamonde a través da Consellería de Infraestructuras e Vivenda da Xunta de Galicia para as cales se […]