Un home de 70 anos de idade perdeu a vida á primeira hora da noite de onte tras ser atropelado na estrada autonómica LU-617, ao seu paso polo municipio lucense de Monforte de Lemos.
O accidente produciuse poucos minutos despois das 21:30 horas,cando os Bombeiros de Monforte comunicáronlle ao 112 a saída dunha dotación de emerxencias do parque como consecuencia dun accidente de tráfico que se produciu no mencionado punto.
Por parte do Centro Integrado de Atención a Emerxencias (CIAE) de Galicia, deuse aviso do sinistro ao 061, á Garda Civil de Tráfico, á Policía Local e á agrupación de voluntarios de Protección Civil da localidade.
Segundo os primeiros indicios, todo parece indicar que a vítima, que participara nunha xornada de caza, estaba a asegurar o remolque do que tiraba o seu vehículo, cando outro coche alcanzouno.
A pesar dos esforzos que realizaron os servizos sanitarios desprazados ao lugar do accidente, informou o 112, só puideron confirmar o falecemento desta persoa. EFE
