O Administrador de Infraestruturas Ferroviarias (Adif) licitou a redacción dos proxectos para a ampliación a 750 metros as vías de apartado en varias estacións do tramo que transcorre entre León e Monforte de Lemos.
O contrato para a redacción dos proxectos ascende a un importe de case 1,1 millóns de euros e inclúe a ampliación de vías de apartado en tres estaciones galegas: Quereño, Vilamartín de Valdeorras e Pobra do Brollón. Nesta última, ademais, eliminarase un paso a nivel.
O obxectivo da actuación é ampliar ata 750 metros una das vías das estacións para que os trens de mercadorías desa lonxitude poidan quedar apartados deixando libre a vía xeral.
Con estes proxectos, segundo indica o Ministerio de Fomento nun comunicado, preténdese potenciar o tráfico de mercadorías no corredor León – Monforte – Porto de Vigo para que poidan circular por el os trens de ata 750 metros de lonxitude.
O Adif tamén lembra que se atopan en redacción de proxecto outras actuacións de ampliación en Vigo Guixar, o apartadero das Gándaras, Tui, Filgueira, Barbantes, Os Peares e Monforte.
