O martes, 26 de xuño ás 17:30 horas, no Salón do Centro do Viño da Ribeira Sacra, celebrarase o concurso de tapas amateur. 

Beatriz Vila, organizadora do Cume Tapas considera que “a resposta do público en xeral foi boa. Tanto na proba de tapas nos locais de hostalería, que nunca antes tiveran tanta xente probando as tapas do concurso, como nas inciativas que se estrearon este ano con motivo do décimo aniversario do Cume Tapas”. “Á xente de a pé cada día mostra máis interese pola cociña, por aprender a facer pratos novos, pola innovación culinaria e saudable. Ademias, o feito de saber que se reparten 3 vales de 50 euros cada un por parte do CCU ás 3 mellores tapas amateur, creo que tamén axudou a que os veciños mostrasen o seu interese pola elaboración dos petiscos. De tódolos xeitos, animo a todos os monfortinos que queiran optar a levarse un vale de 50 euros para gastar no comercio local para a casa, que chamen ó número 982.41.20.50 tanto na fin de semana como durante todo o día do luns, para anotarse de xeito gratuíto. O martes á tarde teremos todo preparado para que os afecionados á cociña poidan demostrarnos as dúas dotes entre os fogóns”.

Durante a xornada do martes tamén se celebrará a final do Xurado Técnico onde se darán a coñecer os gañadores en cada unha das modalidades. Finalmente daranse a coñecer os gañadores do concurso fotográfico realizado por internet, a tapa saudable, o premio especial o compañeirismo e o sorteo de cupóns.