Rescatan a un cazador ferido polo ataque dun xabaril en Pantón

Un cazador foi rescatado este sábado tras resultar ferido nunha perna polo ataque dun xabaril en Pantón, nunha zona de difícil acceso na parroquia de Vilar de Ortelle, nas proximidades do castro de Marce.

Xabaril | Fonte: Xunta.

Segundo informa o 112, unha embarcación recreativa desprazouse por un río que pasa pola zona onde tivo lugar o suceso e evacuou ao ferido ata un embarcadoiro próximo, onde foi atendido polos servizos sanitarios.

Tamén se desprazaron ao lugar dos feitos os Bombeiros de Monforte e os axentes da Garda Civil, tras ser alertados polo 112 Galicia, que tivo coñecemento da situación do cazador uns minutos antes das 12,30 horas.

Ademais, desde o 112 informouse o Servizo de Gardacostas de Galicia, por se fóra precisa a mobilización dun helicóptero de rescate. Finalmente, a súa intervención non foi necesaria.

DEIXAR UN COMENTARIO

Please enter your comment!
Please enter your name here