Asegura o sindicato que o facultativo en activo ten que asumir todo o traballo de hospital de día, máis o traballo laboratorial, as consultas de hematoloxía etc.. dobrando quendas varios días por semana.

Desde CSIF afirman que ata o día 19 de setembro o único apoio que se enviou por parte da Xerencia da área integrada de Lugo foi outro facultativo un día por semana. “A situación de carga de traballo que asume a profesional é insostible, atopándose desbordada pola cantidade de traballo, poderíase dicir que a facultativo fai a súa vida no Hospital creando isto unha situación de #estrés fóra do común”, sinalan.

Na visita que realizou o Conselleiro de Sanidade conxuntamente co Xerente da área de Lugo ao hospital monfortino, expúxoselles o problema de cobertura das I.T. de facultativos, cobertura de vacantes,… ao que aseguraron “ser conscientes das dificultades de cobertura de Facultativos dos hospitais comarcais e por tanto darían a cobertura necesaria para o bo funcionamento dos servizos”.

Agora a central sindical denuncia que a “realidade é ben distinta” e esixen á Xerencia que poña remedio a esta “situación de precariedade” e dote ao servizo de Hematoloxía do Hospital Público de Monforte dos reforzos de facultativos necesarios para garantir a atención necesaria aos pacientes con 2 hemotólogos a xornada completa.