InicioPolíticaO PP levará a Pleno todas as terrazas dos establecementos hostaleiros de...

O PP levará a Pleno todas as terrazas dos establecementos hostaleiros de Monforte

Julía Rodríguez e o seu equipo de goberno levarán as súas iniciativas a Pleno este luns

Publicado o

- Advertisement -

O Grupo Municipal do PP levará ao Pleno deste luns unha iniciativa a través da cal solicitan que o Goberno local modifique a actual Ordenanza Municipal Reguladora da Instalación de Terrazas, que data do ano 2010, e, deste xeito ,se mellore o procedemento de solicitude e prórroga das licenzas, se redefinan os tipos de terrazas e se contemplen outras posibilidades de localización, distancias e dimensións, favorecendo a circulación de peóns.

Deste xeito, os populares consideran que se favorecen novas zonas de terrazas e non só no casco histórico, provocando que aqueles negocios interesados poidan contar con novas fórmulas, tales como plataformas na calzada, como xa existen noutras localidades.

Segundo eles, esta revisión é necesaria por dous motivos, “favorecer a actividade económica dos establecementos monfortinos, dotándoos de mecanismos que favorezan a súa visibilidade e actividade, tamén en barrios e zonas menos céntricas e que deste xeito conten coa necesaria seguridade xurídica e por outra banda esta revisión debe servir para definir e favorecer a circulación de peóns”.

normativa do casco histórico

Os populares tamén precisan que o Concello conta cunha Ordenanza municipal Reguladora da Instalación de Terrazas, Toldos, Parasoles, Celosías e Biombos nas zonas de interese Turístico, que se publicou no BOP en decembro do 2015. A este aspecto, tamén solicitan na súa iniciativa que se aproveite a revisión da ordenanza do 2010 para incluír no texto esta normativa reguladora do 2015 e que afecta aos hostaleiros do casco histórico.

 

ÚLTIMAS

“Outlet de Inverno” en Sarria, os día 1 e 2 de marzo

Durante eses días, preto dunha trintena de establecementos de ACES participarán nunha campaña de...

Cales son as prioridades do orzamento do novo goberno para Quiroga?

No caso do servizo municipal de auga, co inicio das choivas de outono a...

Máis de 200 persoas inscritas para a carreira Xacorun Sarria que se celebra o 3 de marzo

A Xunta apoia un ano máis a iniciativa Xacorun, unha carreira entre Sarria, Paradela...

IGV demanda medidas “ante a crise de produtores de uva na Ribeira Sacra”

Interior Galego Vivo explica que "hai unha crise de excedentes de uva na DO...