IniciosociedadeMercado temático de plantas e flores en Monforte

Mercado temático de plantas e flores en Monforte

O sábado 25 e o domingo 26 o espazo expositor da praza de Abastos acollerá un encontro especializado en xardinaxe e horticultura.

Publicado o

- Advertisement -

Aqueles interesados/as en todo o relacionado coa horta e cos xardíns non se poden perder esta oportunidade na que se encontrarán con todo tipo de produtos relacionados con este mundo, dende plantas e flores de todo tipo ata ferramentas específicas para a horta, elementos de decoración interior e exterior, testos, etc.

O Mercado das Plantas e Flores está enmarcado na campaña que se realiza cada ano coa axuda da Dirección Xeral de Comercio da Xunta de Galicia. Coñecida como “Quere o teu mercado” intenta potenciar as Prazas de Abastos galegas.

Así mesmo, cómpre lembrar que esta iniciativa que promove a Xunta de Galicia forma parte dunha campaña internacional para o fomento do mercado de proximidade e as prazas ou mercados que aínda se conservan nas vilas e cidades. A data escollida para esta celebración é sempre o último sábado de maio. Todo o relativo a esta iniciativa podedes atopalo na web de “Quere o teu mercado”.

Posto relacionado coa horta na Praza de Abastos / XdL

actividades paralelas

O Mercado das Plantas e Flores contará, ademais de con varios/as expositores/as, con obradoiros relacionados coa xardinería.

O primeiro deles estará dedicado a aprender a “construción dunha espiral de plantas aromáticas”, a cal serve para captar fauna beneficiosa para a horta. Este obradoiro realizarase o sábado 25 de 18:00 a 20:00 horas e está dirixido para todo tipo de público.

O segundo obradoiro ,dirixido aos pequenos/as da casa, terá lugar o domingo 26 a partires das 11:30 h. e consistirá na “decoración de testos para plantas” empregando para tal fin materiais reciclados.

Durante a celebración deste mercado haberá diferentes agasallos para os clientes que participen e anímase a difundir o evento nos perfís das redes sociais da campaña. Os que compartan unha foto mercando na praza durante o evento e nomeen o perfil @quereoteumercado ou empreguen o hashtag #quereoteumercado serán agasallados cunha mochila térmica e un mandil.

Respecto aos horarios, o espazo expositor estará aberto de 10:00 a 14:00 h. o sábado pola mañá e de 17:00 a 20:30 h. pola tarde. O domingo só abrirá de 11:00 a 14:00 h.

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...