O PP de Monforte xa presentara en xaneiro unha moción pedindo a mellora da iluminación na praza Luis de Góngora e na fachada lateral da igrexa de San Vicente. Solicitaban dotar á zona dun alumeado destinado a enaltecer e destacar a entidade do monumento. Os populares volven a insistir no tema despois, din, das queixas dos usuarios do Parador pola ausencia de alumeado público neste espazo.

Que o alcalde non atendese á moción popular aprobada en xaneiro e que en plenas festas patronais a contorna do Parador continúe con falta de iluminación é entendido polo PP local como desinterese do alcalde polo potencial turístico de Monforte. Para os populares estar en tempada alta con falta de conservación no Camiño de Inverno, tendo pechado o centro de recepción de peregrinos e o sen mellorar a iluminación nun dos enclaves de referencia da cidade, dá conta da pouca vontade do equipo de goberno por dinamizar os recursos turísticos.