InicioCulturaDespois das festas toca ler

Despois das festas toca ler

A Feira do Libro de Monforte celébrase entre o 22 e o 25 de agosto na rúa Cardenal en horario de 12.00 a 14.00 e de 18.00 a 22.00, agás na primeira xornada que somentes abrirá pola tarde.

Publicado o

- Advertisement -

A Feira do libro de Monforte inaugurarase o día 22 ás 19.00 h. coa actuación da Banda de Gaitas de Monforte e o pregón por conta do escritor Lois Diéguez. Ás 20.30 presentarase Museo Pazo de Tor. Guía Ilustrada, de Fernando Arribas e Antonio Reigosa, con ilustracións de Noemí López. Contarase coa participación da Deputada de Cultura, Pilar García Porto.

Na xornada do 23 ás 19.00 h. haberá unha presentación especialmente adicada aos máis novos, O cociñeiro Martiño e as cenorias desaparecidas de Iago López. Ás 20.00 presentarase Empatía dos gatos de Mónica Sánchez e ás 21.00 Islas Lejanas de Francisco José R. Aldereguia.

O venres 24 ás 12.30 presentarase o libro Os Eidos, de Uxío Novoneyra, segundo título la Biblioteca de Mesopotamia, selo específico para Ribeira Sacra, O Incio e O Courel. Para esta presentación contarase novamente coa presenza da Deputada de Cultura, Pilar García.

Rocío López asinará ás 18.00 Nunca fuimos buenos, na caseta de libraría Cortizas e media hora despois, ás 18.30 presentarase  Galeguia de Manuel Miragaia.  A cita ás 20.00 h. será con Plaqueta: Non teño a culpa de viver, por Teresa Moure e ás 21.00 presentarase Corpo de Antón Lopo.

A última xornada de feira comezará ás 12.00, Finy Sesmonde asinará Gotas de Rocío, copos de nieve, na caseta da libraría Agrasar, repetirá ás 18.00 h.  Ás 12.30 celebrarase un obradoiro artístico-técnico a cargo da ilustradora Estefanía Padullés baixo o nome Ilustrando dinosaurios. Ás 19.00 presentarase o poemario Desde que somos tijera y papel de D´ Angelo, do acto participará o ilustrador, Yelko Veiga. O último acto da feira será ás 20.00 coa presentación- recital de poesía e humor de Long Play por Lois Pérez.

Como vén sendo habitual neste tipo de feiras haberá un 10% de desconto no prezo de todos os libros. Participan nesta edición a Deputación de Lugo e as librarías Pedreira, Aenea, Cortizas, Cartabón e Agrasar.

Cartaz Feira

ÚLTIMAS

18.000 persoas pasaron pola Oficina municipal de Turismo de Monforte no 2023

Segundo os datos obtidos nas dependencias turísticas xestionadas polo Concello, no 2023 obtivéronse as...

O PP concéntrase na N-540 esixindo o seu arranxo

Desde o PP aseguran que apoian "as reivindicacións dos veciños de todos os concellos...

Dispositivo da Deputación de Lugo para afrontar as nevadas da fin de semana

A Deputación de Lugo está a traballar nas máis de 70 estradas provinciais afectadas...

Jonas Vingegaard, gañador da segunda etapa de ‘O Gran Camiño’

Corredores de once dos mellores equipos internacionais, con figuras como Jonas Vingegaard, Egán Bernal,...