O Concello de Monforte informa de que este mércores, 19 de outubro, levarase a cabo un corte no subministro de auga na rúa Uxío Novoneyra, para desenvolver obras cuxo obxectivo é levar a cabo unha mellora na rede xeral de abastecemento municipal en dita zona.

Este corte no subministro de auga afectará á mencionada rúa e as obras desenvolveranse á altura da intersección coa rúa Luís Moure Mariño.

Con estas actuacións o Concello asegura traballar para a mellora do servizo de subministro de auga de Monforte, agradece a comprensión dos veciños e rogamos desculpen as molestias que estes traballos de mellora poidan ocasionar.