InicioTerra de LemosMonforteInaugurada unha nova área urbanizada no centro de Monforte

Inaugurada unha nova área urbanizada no centro de Monforte

A inauguración da coñecida como 'Zona C', onde a Gardería municipal e a carón do río Cabe, tivo lugar este martes 15 de novembro pola tarde. O rexedor, José Tomé, despois das declaracións á prensa descubriu un monolito conmemorativo, que da nome á nova zona verde como “Parque da Gardería Municipal”.

Publicado o

POR
Redacción
- Advertisement -

“Coa apertura desta nova zona urbanizada da cidade vimos de cambiar a fisionomía de Monforte. Puxemos en valor unha zona que estaba abandonada e que dende o punto de vista da mellora urbana, supón un salto cualitativo moi importante, porque con proxectos coma este, Monforte, sigue avanzando”, comentaba José Tomé na inauguración.

“Puxemos en valor unha zona que estaba abandonada e que dende o punto de vista da mellora urbana, supón un salto cualitativo moi importante…”

O rexedor monfortino lembraba que este proxecto estaba comprometido cando se presentou ás eleccións no pasado mandato, un proxecto que crea espazos urbanizables e de lecer para mellorar tamén a imaxe da cidade nesta zona.

O proxecto contou, segundo fontes municipais, cun orzamento de  918.165,09 euros (IVE engadido). Deste importe, 300.000 euros chegan da Deputación de Lugo, sendo o resto do orzamento total aportado polo Concello de Monforte.

“A urbanización da Zona C é un proxecto pioneiro en Monforte e en moitos outros concellos de Galicia, porque a través del vimos de mellorar urbanisticamente unha zona sensible para a nosa cidade como é a contorna do río, a proximidade do conxunto monumental de Nosa Señora da Antiga, máis coñecida como Escolapios, e o Barrio de Cobas”, subliñou o Alcalde.

A empresa Misturas Obras e Proxectos S.A. foi a encargada de levar a cabo urbanización e dotación de servizos da Zona C, que comprende os terreos ubicados entre a rúa Rof Codina e o barrio de Cobas. A superficie resultante supón 6.323 m2 para rúas novas, 8.982 m2 para espazos libres e axardinados, e 5.785 m2 para solares edificables.

O proxecto incluiu tamén o asfaltado da ampliación da rúa Rof Codina e a mellora da mesma dende a Avenida de Galicia ata a nova zona urbanizada, dándolle saída ao tráfico.

Despois do acto protocolario de inauguración e declaracións á prensa, o alcalde descubriu un monolito conmemorativo que da nome á nova zona verde como Parque da Gardería Municipal. A Zona C quedou dende este momento aberta xa ao público e mañá mércores día 16 de novembro a primeira hora será posible o tráfico de vehículos.

ÚLTIMAS

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...

O BNG pon en marcha, “Arranxo XA das nosas estradas”, campaña para mellorar as infraestruturas viarias na provincia

O Bloque Nacionalista Galego de Lugo inicia unha nova campaña para reclamar o arranxo...

8ª Andaina polo Corazón de Galicia, o 21 de abril en Chantada

O domingo, 21 de abril, celébrase a 8ª Andaina polo Corazón de Galicia, que...

Que acontece coas Unidades de Drogodependencias dos concellos?

Na última xuntanza dos concellos que contan con Unidades Municipais de Asistencia á Drogodependencia...