O home que recibiu varios golpes na rúa nun vídeo que foi gravado este fin de semana en Monforte e que se difundiu de forma viral presentou finalmente unha denuncia ante a Policía.

Fontes consultadas por Europa Press confirmaron que o paso se produciu o domingo, dado que o home non denunciou inmediatamente. As mesmas fontes explicaron que os implicados na pelexa tiveran previamente un ‘encontronazo’ nun pub.

Unha vez que se peche o atestado e se ratifique a conclusión das identificacións, os agresores terán que prestar declaración no xulgado cando sexan citados.