Este venres pola mañá o Director Xeral de LogiRAIL, Óscar Gómez, o Director Xeral de operacións de Renfe, José Luis Cachafeiro, e o representante institucional de Renfe, visitaron co alcalde de Monforte, José Tomé, e outros membros do equipo de goberno o novo centro especializado en ciberseguridade ferroviaria para a súa inauguración.
Alí coñceron aos primeiros traballadores incorporados xa aos seus postos de traballo, previo período de formación e capacitación que se estivo a desenrolar dende febreiro tamén na cidade de Monforte. O pasado día 2 de marzo recibíase aos 10 primeiros rapaces que estaban no período de formación para integrarse á plantilla do novo e único centro de competencias dixitais en Galicia. Estes traballadores foron elexidos de entre 108 currículums para detectar, analizar e correxir incidentes de ciberseguridade, utilizando as solucións tecnolóxicas mais avanzadas da industria.
A inversión da compañía neste proxecto é de preto de 1 millón de euros e a previsión de plantilla estímase entre 35 e 40 traballadores neste momento inicial do proxecto pero que a medida que vaia evolucionando incorporará mais plantilla coa previsión de chegar a 100 postos de traballo según se vaia implantado no mercado o novo servizo.
O rexedor agradeceu a Renfe e a LogiRAIL o esforzo feito para axilizar todo o proceso de desenvolvemento do proxecto, que permitiu que se puidera adiantar á sua posta en marcha de forma considerable, xa que nun principio estaba previsto que comezase a finais de ano. “Colócase á cidade do Cabe, no mapa de innovacións tecnolóxicas e constitúe unha oportunidade de creación de emprego de calidade que permitirá fixar poboación na cidade”, asegura Tomé.
Pola súa parte, o Director Xeral de LogiRAIL, Óscar Gómez, mostrouse moi satisfeito de dar comezo ás actividades do centro de Monforte , que tal e como explicou responde á estratexia do reto demográfico do Goberno de España a través do seu plan de deslocalización de recursos que Renfe materializou con unha estratexia de posta en marcha de varios centros de recente creación.
Pola súa banda, o Director Xeral de operacións de Renfe, José Luis Cachafeiro, dixo estar encantado de poder vir a Monforte, ao seu pobo, con esta nova noticia, “a ciberseguridade é un tema estratéxico para Renfe na actualidade, e polo tanto, este novo centro constitúe unha oportunidade moi importante de creación de emprego xa que a actualidade reclama que se teña que avanzar cada vez máis nos sistemas de seguridade da empresa, para evitar ataques indeseados.”
