O Concello de Monforte continúa mellorando infraestruturas urbanas e rurais, nesta ocasión a licitación anunciada de obras beneficiará ás rúas Castro Dactonio e Ramón Cabanillas.
No caso de Castro Dactonio, ademais de realizar obras na propia rúa, tamén se levará a cabo a mellora de tres travesías que conectan con ela, actuacións incluídas no proxecto integral de mellora de dita rúa. En total, serán actuacións en 1.325 m. destas catro vías, cun orzamento de 71.210,83€.
Na rúa Ramón Cabanillas, as obras que se proxectan consistirán na mellora do seu firme ó longo de 690 m. lineais, destinando o Equipo de Goberno para esta actuación unha inversión de 70.187,54€.
Estes proxectos constitúen, tal e como explicou o Alcalde “a continuidade do Programa de actuacións que o Equipo de Goberno desenvolve, co obxectivo de dotar con mellores servizos e mellores infraestruturas ó municipio, neste caso con actuacións en dos vías urbanas e tres travesías, para o que destinamos un orzamento total de 141.398,37€ ive engadido”.
PROCESO DE LICITACIÓN
As empresas interesadas poden presentar ofertas ata o 23 de novembro ás 14 h. As mesas de contratación terán lugar o 27 de novembro (sobres 1 e 2) e o 11 de decembro (oferta económica). Os criterios de valoración das ofertas serán memoria o 40%, o prezo o 40% e a ampliación do prazo de garantía, o 20%.
