InicioPolíticaO concello de Monforte recibe 100 alegacións ó Plan Especial das que...

O concello de Monforte recibe 100 alegacións ó Plan Especial das que 20 a un único edificio

O rexedor local reuniuse co equipo redactor do Plan Especial e con técnicos e empresarios do sector da construción

Publicado o

- Advertisement -

O Alcalde de Monforte, José Tomé Roca mantivo unha reunión co equipo redactor do Plan Especial do Casco Histórico e con representantes dos técnicos e empresarios do sector da construción de Monforte. Comezou ás 17:00 horas e rematou preto das 21:00 horas, realizouse un repaso dos 18  puntos que contiña a alegación presentada polos técnicos e empresarios da construción de Monforte ó Plan Especial.

Un dos puntos que se puxo enriba da mesa neste encontro, é que se presentaron 100 alegacións ó Plan Especial das que 20 corresponden a un único edificio situado na rúa Roberto Baamonde. Neste momento, o Plan dispón de todos os informes previos favorables, con algún matiz puntual que haberá que corrixir, pero ningún deles é relevante nin afecta ó fundamento do Plan.

Acadouse un alto grao de acordo entre as propostas dos técnicos e empresarios, que se recolleran para ser integradas no Plan. O documento seguirá  a tramitación pendente e antes da súa aprobación definitiva, será explicado novamente ós técnicos e os empresarios

O seguinte paso é manter reunións con Patrimonio e con Urbanismo da Xunta de Galicia, tan pronto como se acorde unha data para ese fin. Posteriormente, vaise proceder á aprobación provisional do Plan Especial e á súa remisión á Xunta de Galicia, que dispón dun prazo de 3 meses para informar ó documento.

No momento no que as observacións que poida expor a Administración autonómica estean corrixidas, o Plan Especial xa poderá levarse ó Pleno.

 

ÚLTIMAS

Unha apertura de portas nun encoro pon en perigo a dous pescadores en Carballedo

Os pescadores puideron saír polos seus propios medios despois de pedir axuda ao 112...

Primeira xuntanza sobre “Comunidades de Montes Veciñais e en Man Común, Montes de Saberes”, o 24 de abril ás 16:30 no auditorio de Escairón

A actividade enmárcase no proxecto Comunidades Rurais Sostibles desenvolvido por Acción contra a Fame...

Os libros protagonizan varias actividades en Bóveda

O programa Ler Conta Moito trouxo este martes ata o Centro Sociocultural de Bóveda...

Mes dos Libros e das Letras Galegas na Biblioteca Municipal de Chantada

A primeira proposta será o 26 de abril ás 18:00h con Conta e canta...