Dende o colexio monfortino Torre de Lemos quixeron ter un acto para lembrar ás mulleres científicas, considerando que estas tiveron un papel moi importante na historia da loita pola liberdade e a igualdade de dereitos. Foi este mércores 6 de marzo ás 11:00 h. na Praza España.

O alumnado presentou un panel coas mulleres máis relevantes no ámbito da ciencia, deron lectura ás biografías das mesmas, previo traballo de investigación realizado no centro, e tamén facilitaron datos referentes ao número de mulleres que se dedican ao eido científico.

A maiores, enmarcado nesta homenaxe ás científicas, o alumnado elaborou un programa de radio que se emitirá a través da radio do colexio.