HomeTerra de LemosMonforteO duque de Alba visitará Monforte a finais de xuño e será...

O duque de Alba visitará Monforte a finais de xuño e será nomeado fillo adoptivo

O XIX duque de Alba e XXIII conde de Lemos, Carlos Fitz-James Stuart e Martínez de Irujo, visitará Monforte o 28, 29 e 30 de xuño e será nomeado fillo adoptivo.

Publicado o

- Advertisement -

Así o anunciou este mércores o alcalde da localidade lucense, José Tomé Roca, que resaltou que esta é unha visita “moi importante” para Monforte pola relación histórica da Casa de Alba con Monforte, como herdeiro dos Condes de Lemos.

Neste sentido, incidiu na “importante promoción e proxección” que suporá para a localidade, co “consecuente beneficio” que terá cara ao futuro para o comercio, hostalaría e turismo en xeral.

AXENDA DO DUQUE DE ALBA

O venres 28 de xuño, o duque de Alba ten previsto chegar en AVE a Ourense ás 18,36 horas para trasladarse ao Parador de Turismo de Monforte.

O sábado ás 11,00 horas será recibido no Concello polo alcalde e membros da corporación municipal. Posteriormente, ás 11,30 horas, celebrarán un pleno extraordinario, que será público, no que recibirá os atributos do nomeamento de fillo adoptivo de Monforte.

Pola tarde, sobre as 18,00 horas, visitará o Colexio da nosa Señora da Antiga e dará un paseo polas rúas do centro histórico. Na xornada do domingo, desprazarase a Lugo onde será recibido por José Tomé, en calidade de presidente da Deputación de Lugo, e asinará no libro de honra.

Ao mediodía visitará a Adega Alguiera onde coñecerá o proceso de elaboración do viño e participará nunha cata demostración. Ao finalizar, dirixirase a Ourense para coller o AVE.

ÚLTIMAS

O Concello de Chantada aumenta a capacidade e mellora os servizos do punto limpo

O Concello de Chantada vén ampliando e mellorando o punto limpo do municipio desde...

305.000€ para un novo aparcadoiro no Polígono do Reboredo en Monforte

O aparcamento actual, que se ubica na marxe esquerda da vía principal do Polígono,...

Aberto o prazo para a ludoteca de verán de Triacastela

As actividades da ludoteca terán horario de 09:30 a 14:00 horas. Ofértanse 20 prazas...

Encontro sobre lexislación e axudas para o turismo, mentres seguen as xuntanzas “Montes de Saberes”

En Chantada desenvolveuse unha xornada sobre lexislación e axudas dirixida a proxectos relacionados co...