A cidade de Monforte amosa xa, coa decoración de rúas, unha expectación previa que convida a pasar unha fin de semana por todo o alto. Quen se vista de época poderá lucir estes dous días, 19 e 20 de abril, as súas vestimentas e integrarse no ambiente medieval, e tanto estes como o resto poderán mercar unha chea de cousas, participar en actividades e gozar dunha chea de espectáculos, a maioría ubicados na zona histórica. Así, a Praza España, a Praza de Abastos e o barrio xudeu subindo ata a Torre do Homenaxe converteranse no centro neurálxico da cita.