Actos do Concello do Saviñao polo 25N

O concello organiza unhas charlas no colexio e rexeitará a violencia contra a muller con varios actos institucionais.

Concello do Saviñao / XdL

O Concello do Saviñao realizará varios actos para conmemorar o 25N, “Día internacional da eliminación da violencia contra a muller”.

Dende o pasado 21 de novembro e ata o vindeiro luns 28, a fachada da Casa do Concello lucirá un lazo luminoso que simboliza o rexeitamento á violencia de xénero. Así mesmo, este mércores 23 e o xoves 24 haberá dúas charlas no Colexio de Escairón que teñen como obxectivo destruír o canon de beleza. A relatora será Patricia González Vidal, traballadora social do Concello de Sober.

E xa o 25 de novembro, ás 12:00 h. diante da Casa do Concello manterase un minuto de silencio polas vítimas da violencia de xénero para a continuación proceder á lectura do manifesto.

DEIXAR UN COMENTARIO

Please enter your comment!
Please enter your name here