“A proposta da Alcaldía para liberar a unha das tres tenencias de alcaldía que hai na actualidade, é sen dúbida un intendo de dar forma legal a unha práctica abusiva que leva anos denunciando a nosa formación, e da que o noso rexedor ten feito gala asegurando que non pagar á seguridade social é para evitar gastos ao concello”. Esta é a denuncia que fai o BNG de Pantón

“Dende o bng non podemos defender que sigan cobrando dietas de 350€ nas xuntas de goberno para evitar as incompatibilidades, polo tanto celebramos a proposta porque se alguén traballa ten que recibir o seu salario, e tamén ten que cotizar á Seguridade Social”, indica nun comunicado Rosa Ana Prieto, voceira municipal do BNG que entende que esta práctica supón “suprimir un posto de traballo”.

“Está claro tamén que non facer as cousas ben dende o principio está a traer inconvenientes ao concello, algo do que a nosa formación xa previu á Corporación en moitos Plenos. Sería importante que o alcalde explicase a verdadeira razón de traer a Pleno isto case tres anos despois do Pleno
de Organización”, engade.

O BNG di non entender como pode darse un aumento da carga de traballo en turismo nos meses de inverno, e de cultura tras contratarse novo persoal cos cartos do Plan Único tampouco. “A isto hai que endadirlle que o concello privatizou a xestión das redes sociais e a relación coa prensa”, denuncia.