O accidente producíase na madrugada do xoves 11 de outubro na N-120 á altura de Atán, no concello de Pantón. O propio condutor do camión alertaba ao 112 ás 5.30 horas. Indicou que o camión que conducía se saira da vía e quedara parado na N-120. Non solicitou asistencia médica, pero pouco despois outro condutor que pasou polo lugar do accidente pedía unha ambulancia para atender ao condutor do camión, que presentaba lesións na boca e se queixaba de dor nas costas.

O camión transportaba un milleiro de aves, a maioría morreron co impacto, do resto, as que quedaron feridas serán sacrificadas contando coa intervención de persoal especializado.