As actividades da XXIX Mostra de Viños da Ribeira Sacra de Pantón comezou oficialmente o xoves 9 de maio coa ‘Cata de viños das tres ribeiras de Pantón. Tivo lugar na Adega Pazo de Ferreiroá, estivo moi concorrida e foi comentada por Alfonso Losada Quiroga, Máster en Enoloxía.
De cara xa á fin de semana, dous días de ambiente festivo nos que as 10 adegas participantes darán a coñecer os seus mellores viños, entregaranse os premios do IX Concurso de Fotográfico Red Ribeira Sacra-Viticultura Heroica, celebrarase a VII Festa da Empanada no recinto do Castro e haberá unha ampla oferta musical. Actuarán 4 charangas –Bandinhos Band Charanga, Km0, ChisPum e Leña Verde–, Batukada de Xograres de Lemos e as orquestras Gran Parada e Sáudade.
No apartado de autoridades, o sábado 11 estará na inauguración –ás 13:00 h.– D. Antón Acevedo Prado, Director Xeral de Maiores e Atención Sociosanitaria; e o domingo 12 –ás 13:00 h.–, como encargada do pregón, Alexandra Seara Sobrino, Xerente do Consorcio de Turismo da Ribeira Sacra.
O sábado 11, tras a inauguración, terá lugar tamén o ‘Brinde do Viño’ para celebrar o Día do Movemento Viño D.O.
No recinto feiral, ademais das adegas, haberá diferentes postos de produtores e emprendedores locais, así como tamén atraccións para os máis cativos/as.
