A Deputación Provincial licitou en Pantón as obras de mellora da totalidade da LU-P-4104 de Seguín, por Pombeiro, aos Peares. As obras contan cun prazo de execución de tres meses e un orzamento que supera os 100.000€ cos que se rehabilitarán os máis de 15 quilómetros da vía. As actuacións inclúen a reapertura de cunetas, saneo da explanada, reparación de desperfectos e repavimentación.
A Xunta deu tamén este venres luz verde a diferentes convenios de colaboración con catro entidades da provincia por un importe conxunto que supera os 166.000€.
Na zona sur a Deputación entrega á Fundación Xosé Soto de Fión, 94.000€ en dúas anualidade para manter o Ecomuseo do Pazo de Arxeriz. Este espazo integra patrimonio histórico-artístico, arqueolóxico, etnográfico e natural único na Ribeira Sacra, que é un punto de referencia. A achega da institución provincial servirá para sufragar os gastos do persoal necesario.
Este venres tamén se aprobou a prórroga do encargo á empresa pública Tragsa para a prestación do servizo de rutas fluviais en catamarán pola Ribeira Sacra da Deputación de Lugo, por importe de 841.815,67€ e por esta tempada 2026
