O equipo de axentes ambientais adscritos ao Concello da Pobra do Brollón do Distrito VIII-Terra de Lemos retoma a atención ao público. O servizo ofrécese todos os mércores de 11:00 a 13:00 h. no salón de actos da Casa do Concello.

O equipo, dependente da Consellería de Medio Rural, ofrece atención sobre todo tipo de temas relacionados coa xestión forestal e os montes. Entre eles inclúense os seguintes:

– Xestionar permisos de corta para uso doméstico.

– Asesoramento e información sobre distancias en plantacións e a xestión de biomasa forestal para a prevención de incendios forestais.

– Información xeral sobre o eido forestal e a tramitación administrativa.

Segundo informan fontes do concello, calquera veciño ou veciña pode usar o servizo, e non cómpre solicitar cita previa para poder ser atendidos/as.

Quen non poida usar o servizo de xeito presencial pode recorrer á atención telefónica nos seguintes números: 609 284 915 (Felipe), 609 968 769 (Javier) e 982 889 122 (oficina central do Distrito VIII-Terra de Lemos).