Este xoves, 12 de decembro, Enfermeiras en loita de Monforte convoca a todo o mundo a participar das concentracións que se levarán a cabo diante dos centros de saúde e hospitais de toda Galicia.
O derradeiro mes do ano adícanllo aos pacientes, “os grandes olvidados pola administración xunto cos profesionais sanitarios. As nosas malas condicións laborais repercuten en nos, nas nosas vidas e nas das nosas familias, pero sobre todo, nos nosos pacientes, o centro do sistema de saúde”, sinalan desde Enfermeiras en loita.
O colectivo esixe coidados de calidade e poder desempeñar o traballo para que os pacientes reciban a atención que merecen. Aseguran que todas as demandas teñen que ver co seu traballo, pero tamén coa atención que reciben os pacientes, “Porque nós sen eles non funcionamos, pero eles sen nós, tampouco. Debemos apoiarnos e facer fronte a un sistema que prioriza o aforro e a despersonalización antes que os coidados de calidade e a atención personalizada. Personal sanitario e pacientes facendo una fronte común para conseguir o mesmo obxectivo: unha sanidade digna tanto para eles como para nós”.
