HomeTerra de LemossanidadeXornadas arredor da investigación do cancro de recto en Monforte

Xornadas arredor da investigación do cancro de recto en Monforte

O Alcalde de Monforte, José Tomé Roca, inaugurou o venres 14 de outubro no Parador de Turismo de Monforte a Reunión de Consenso do Grupo Galego de Coloproctoloxía da Sociedade de Cirurxía de Galicia (SOCIGA). O encontro de investigadores remata hoxe sábado 15 de outubro.

Publicado o

POR
Redacción
- Advertisement -

Esta importante reunión de médicos e investigadores está abordando, a través de diferentes conferencias e mesas redondas, distintos aspectos sobre a cirurxía do cancro de recto, definición e medición de tumores ou tratamento de pacientes, entre outros temas.

Na inauguración das xornadas, o rexedor monfortino estivo acompañado polo Presidente da Sociedade de Ciruxía de Galicia, José Conde Vales, o Coordinador da Reunión de Consenso “Cancro de recto”, José Enrique Casal Núñez, e o Coordinador do Grupo Galego de Coloproctoloxía, Alberto Parajó Calvo.

O Alcalde deu a benvida aos 30 poñentes e asistentes, provintes de diversas cidades de Galicia, e entre os que se atopan xefes de servizo de cirurxía xeral dos 7 hospitais galegos, manifestando o seu apoio a este tipo de encontro pois “dende o Equipo de Goberno deste Concello mantemos un compromiso e unha aposta firmes pola Sanidade Pública, porque cremos que, os servizos públicos básicos, como é a Sanidade, son a garantía dos dereitos das persoas”.

O rexedor municipal aproveitou a súa intervención tamén para animar aos asistentes a disfrutar de Monforte e da Ribeira Sacra e descubrir a súa riqueza cultural, patrimonial, paisaxística e gastronómica.

Para rematar, José Tomé recoñecía o labor dos médicos participantes nas xornadas e desexaba que esta reunión serva para avanzar nos traballos de investigación e de coñecemento de cara a avanzar na prevención e na curación desta enfermidade.

ÚLTIMAS

Ximena Prats e Noa Díaz reciben as medallas do COE ao mérito deportivo

As piragüistas do Club Quixós, Noa Díaz e Ximena Prats, xa teñen nas súas...

Vendaval do 19 ao 22 de novembro en Monforte, A Pobra do Brollón e Ferreira de Pantón

O calendario ábrese cunha proposta especial que vincula a creación audiovisual coa gastronomía, seguida...

Éxito total do ‘Saborea e canta o outono’ cunhas 250 persoas participantes

O evento dinamizador da hostalería do sur de Lugo "Saborea e Canta o Outono"...

Máis de 70 deportistas participaron no Cross Escolar do Circuíto das Lamas en Monforte

Na competición participaron nenos e nenas procedentes dos concellos de Monforte de Lemos, Quiroga,...