Esta situación tan caótica de tantos meses, asegura o sindicato que, fixo que o PAC de Chantada incrementase o número de pacientes atendidos por día se o comparamos co ano 2022 nas mesmas datas. “Os pacientes non teñen médico por estar ausente e as listas de espera son longas o que fai que acudan ao Punto de Atención Continuada de Chantada para ser atendidos.”
Engaden que o día 06/09/2023 había 2 médicos no Centro de Saúde en quenda de mañá e 1 dos médicos colleu a baixa e lembran que no Servicio de Atención Primaria de Chantada non hai pediatría estes días.
Como solución, a Dirección de Atención Primaria da Área Sanitaria, a día 07/09 “cando queda un único médico do cadro de persoal, trae un a maiores. Estes dous médicos de familia só van atender urxencias e as axendas de todos os profesionais facultativos foron anuladas.” Aseguran que a situación en Carballedo non é moito mellor, “dende xaneiro deste ano de 2 médicos só hai un que atende aos 2 cupos.”
No mes de maio o SERGAS implantou en todos os centros de saúde do Distrito de Monforte, e en todos os centros de toda Galicia que non o tiñan, o programa XIDE “que lonxe de axudar a xestión da demanda das citas o que fixo foi empeorar a situación (o programa está mal deseñado e o que fai é aumentar as citas no día e inmediatas que dá o persoal non sanitario dos centros de saúde)”.
¿Que consecuencias trae este mal deseño do programa? “Que o programa xera moitas urxencias innecesarias no día, desbordando os centros, e cousas que teñen que ser vistas no día teñan que agardar a primeira cita libre.” Ao tempo, os pacientes en lista de espera “acoden aos PAC’s ou a Urxencias do Hospital onde as salas están ateigadas de xente.”
Lamenta o sindicato que a situación dos centros de saúde do Distrito da Zoa Sur de Lugo “é máis do mesmo porque non dan atendido aos pacientes por estar a mínimos de persoal e a nosa Xerencia non cobre as ausencias. Un exemplo: no Centro de Saúde de Monforte una cita ordinaria pode ter unha lista de espera de 15 días, e a Xerencia non fai nada e di que está todo ben.”
