InicioTerra de LemossanidadeA CIG Saúde no Hospital de Monforte denuncia "a insostible situación dos...

A CIG Saúde no Hospital de Monforte denuncia “a insostible situación dos centros de saúde na zona sur”

Repasa tamén o sindicato, a situación na que se atopa o hospital monfortino. Asegura que despois de que o Sergas anunciara 21 médicos para o hospital, "o ano vai rematar sen que se incorpore ningún".

Publicado o

POR
Redacción
- Advertisement -

A sección sindical de CIG-Saúde asegura que no centro de saúde de Monforte, nestes días só había tres médicos para atender a unha poboación de más de 18.000 habitantes, “cubriron un par de días con dúas persoas, pero onte había só dous”. Consideran imposible que dous médicos atendan a esta poboación, “polo que dende Lugo tomaron a decisión de pechar as axendas sen avisar aos doentes, parécenos gravísimo xa que así seguían acudindo á consulta, cando os dous médicos que estaban só deberían atender ás urxencias”.

Por outra banda ao estar as axendas pechadas, non se permite pedir cita ata xaneiro, o que levaa á xente a acudir a urxencias do hospital, colapsando o servizo, “Desde o Sergas o mínimo que deberían facer é contratar máis persoal, para comunicar o cambio de citación aos doentes”. No centro de saúde de Monforte hai 12 médicos e aínda hai dúas vacantes sen cubrir, polo que piden ao Sergas que as cubran. Refírense tamén á falta de pediatras desta semana no centro de saúde de Monforte “Non é normal deixar o centro desatendido, dúas horas pola tarde non arranxan o problema.”

Con respecto ao centro de saúde de Bóveda lembran que estivo unha semana sen médico, “o titular atópase de baixa dende hai dous anos e non o cubren. Non pode ser que a solución sexa que compartan o médico e a enfermeira o centro de saúde de Bóveda e Rubián media mañá.

No centro de saúde de Chantada estiveron nunha situación parecida ata hai uns días, “parece ser que agora incorpóranse dous médicos que estiveron de baixa e aliviará algo a situación”. E no centro de saúde de Pantón segue faltando un médico.

Hospital Comarcal de Monforte

Lamenta o sindicato que no hospital continúen sen dixestivos, cunha soa psiquiatra, con dúas pediatras de catro que había, sen neurólogos e sen médicos rehabilitadores. Insisten no colapso das urxencias polo problema no que se atopan os centros de saúde e piden que se reforcen estes servizos contratando persoal de todas as categorías.

CIG Saúde denuncia “a maquillaxe que fai o Sergas das listas de espera, chamando a pacientes doutras áreas para que se veñan a operar aquí e á inversa, co obxectivo de sacalos da lista de espera para que lles dean as contas a final de ano.” Estes pacientes ao rexeitar operarse noutra área, desaparecen da lista de espera e non volven a entrar ata o ano qu ven.

ÚLTIMAS

Jonas Vingegaard, gañador da segunda etapa de ‘O Gran Camiño’

Corredores de once dos mellores equipos internacionais, con figuras como Jonas Vingegaard, Egán Bernal,...

Velada literaria con Pedro Feijoo este 24 de febreiro no restaurante Trespés de Monforte

O escritor charlará sobre a súa última novela "Ninguén contará a verdade" que recibiu...

Avánzase na supresión dos pasos a nivel de Río Seco e Juan Montes en Monforte

Dende a Dirección General de Planificación y Evaluación de la Red Ferroviaria convocouse ós...

A Agrupación Empresarial da Ribeira Sacra vai collendo corpo, non hai marcha atrás

A Agrupación de Empresas da Ribeira Sacra vén de celebrar a primera reunión do...