InicioTerra de Lemossanidade"Investir en infraestruturas en lugar de en medios humanos é un despropósito",...

“Investir en infraestruturas en lugar de en medios humanos é un despropósito”, asegura Pladesapu

A Plataforma en Defensa da Sanidade Pública (PLADESAPU) da área sur de Lugo, responde con escepticismo ante as declaracións do conselleiro de sanidade, Julio García Comesaña, durante a súa visita ao hospital comarcal de Monforte.    

Publicado o

POR
Redacción
- Advertisement -

O conselleiro de Sanidade aseguraba que habería un investimento de 15 millóns de euros no hospital, e que, entre moitas outras cousas, se ampliaría o espazo para as consultas externas.

Desde a Plataforma aseguran non entender moi ben para que queren aumentar o espazo das consultas, “cando estas carecen de facultativos que as atendan, e a tendencia xeral é centralizar todo no hospital de referencia, situado en Lugo. Só neste último ano, a dixestóloga colleu a baixa e non a está a cubrir ninguén, só se fan endoscopias unha vez á semana, con listas de espera que superan o ano e con pacientes tendo que ir á sanidade privada”, sinalan.

Segundo Pladesapu, as listas de espera seguen sendo longuísimas e os pacientes acoden á privada desesperados por unha solución ós seus problemas; “os rehabilitadores que viñeron cara finais de ano, desaparecidos de novo en combate…por non falar de que este ano quedamos coa metade de radiólogos, un que se xubila a finais de ano, e outro que colle praza en Burela, polo que de catro que hai actualmente o hospital pasaría a ter dous. É dicir, o investimento en infraestruturas en lugar de medios humanos é un despropósito”

Comesaña insistiu na incorporación de 21 novos médicos, “pero xa a finais de 2022, na primeira asemblea que organizou a plataforma, o discurso do Sergas era ese, a incorporación inmediata dunha morea de médicos que nunca acaban de chegar”, lembran desde Pladesapu.

A Plataforma insiste no desmantelamento do hospital comarcal, “por moito que queiran colgarse medallas a base de talonario facendo obras estruturais, moitas veces mal rematadas, como vimos nas inundacións deste inverno”. Esixen así compromisos reais con Monforte e a súa comarca, “non só propaganda nos últimos coletazos da campaña electoral. As melloras estruturais están moi ben, pero son os profesionais sanitarios os prioritarios, e as queixas dos usuarios están motivadas pola escaseza de médicos, non polo vellas que son as paredes”. 

ÚLTIMAS

“O meu agasallo favorito foi unha máquina de coser”, Sonia Argiz, emprendedora

Sonia Argiz Río é unha galega afincada en Castelo, no Concello de Taboada, lugar...

Sober presenta o cartel e a programación da XLIV Feira do Viño e o Mes do Amandi

Este ano o convidado de honra é o Concello de Pereiro de Aguiar, nunha...

Katy Varela: “Tomé equivócase ao negarse a flexibilizar as modificacións da ordenanza de tráfico”

O equipo de goberno do concello de Monforte, no pleno desde luns pode definitivamente...

Recurso de reposición de Por Chantada á aprobación definitiva do proxecto de urbanización da rúa Rego

Con estes antecedentes, Por Chantada presenta un recurso potestativo de resposición que pon fin...