A peste porcina africana (PPA), sen ter chegado aínda a moitos territorios, está a xerar medo no sector gandeiro. Non fai falta que o virus cruce unha fronteira administrativa para que comece a condicionar decisións, rutinas e custos. Abonda con que exista, con que avance, con que se achegue… 

Nun mundo hipercomunicado, onde os movementos de animais, persoas e mercadorías prodúcense a diario e a gran velocidade, a distancia xeográfica deixou de ser unha garantía. O que hoxe é un foco localizado pode converterse mañá nunha ameaza compartida. En España, os últimos casos detectados en Cataluña volveron poñer en alerta a un sector que aínda lembra outras crises sanitarias, propias e alleas. E, aínda que Galicia non rexistrou focos de PPA, a preocupación está aí, latente, especialmente naqueles sistemas produtivos que, pola súa propia natureza, manteñen un contacto máis estreito co medio natural e coa fauna salvaxe.