O Concello de Sober denunciou ante a Garda Civil a aparición esta pasada fin de semana de actos vandálicos a modo de pintadas nalgúns dos puntos máis emblemáticos turísticamente no municipio, como Os Chancís, Pena do Castelo, Doade, Francos de Doade, ou Souto Chao.

Utilizouse pintura negra sobre superficies de pedra, de madeira, sinais turísticas, contedores,… O concello avalía os custes de reparación e anuncia a través das súas redes que “Rexeitamos de xeito enérxico todo tipo de manifestacións vandálicas que danan e deterioran o noso patrimonio.”