Como xa é tradicional en agosto, o Concello de Sober exalta a súa rosca, un dos produtos máis emblemáticos e coñecidos da Ribeira Sacra. Farao a vindeira fin de semana, 11 e 12, pero tamén haberá mel e outros produtos autóctonos para goce dos visitantes.
Un dos momentos máis esperados é o da degustación da Rosca. Farase a o luns 12 ás 13:00 h. na Praza do Concello e será gratuíta. Calcúlase que haberá unhas 2.000 racións de rosca de Sober con queixo, produto este último por xentileza de Queserías Prado.
PROGRAMA COMPLETO
A celebración comeza o domingo día 11 de agosto coa inauguración ás 18:00 horas do VI Túnel do Viño de Amandi, a cargo de Vinosacra.es. Trátase dun evento no que participan 25 adegas e 50 referencias de viños da subzona de Amandi e Sober que se poden degustar nunha carpa instalada na Praza do Concello. Colabora tamén co evento a empresa cárnica lucense Torre de Núñez.
25 adegas e 50 referencias de viños da subzona de Amandi e Sober
O horario do Túnel do Viño de Amandi será de 18:00 horas a 22:00 horas o domingo e de 11:00 a 15:00 horas o luns.
Para rematar esta xornada dominical, e aperitivo do día grande da Rosca, ás 21:00 horas actuará o grupo Deuce.
LUNS 12 DE AGOSTO
Este día a programación dará comezo ás 10:00 horas co disparo de bombas de palenque. E ás 10:15 horas farase a apertura dos postos de rosca, mel e outros produtos da Ribeira Sacra.
Ás 11:00 horas haberá unha demostración de talla con motoserra a cargo de Eugenio Linares. Entre as 11:00 e as 13:00 horas haberá un obradoiro de feltro para todos os públicos a cargo de Ovella Viva.
Ás 12:00 horas terá lugar a actuación do Grupo Os Falcatrueiros.
Ás 13:00 horas farase a tradicional degustación gratuíta de 2.000 racións de rosca de Sober con queixo coa colaboración de Queserías Prado.
