O sindicato Unións Agrarias (UU.AA.) cre que a “falta de actuación” da Xunta de Galicia contribuíu a estender a praga de ratas toupa en Lugo. “O que empezou sendo un problema nunha parroquia en Triacastela está a converterse nun tema que afecta a moitos gandeiros”, sinalou Roberto García, de Unións Agrarias.

Á súa vez, o sindicato considera que a Xunta se quedou curta nas súas estimacións sobre a superficie afectada por estes roedores. Eles calculan que habería un “vinte ou trinta por cento máis” de terreo prexudicado. Ademais, critican que hai “gandeiros que, dado que teñen seguro, non van recibir ningún tipo de compensación por estes danos”.

Podes ler a información completa no Lugo Xornal.