Para os amantes do rock chega esta noite a Sarria a banda N.E.O. (Near-Earth-Object). Un concerto para non perder pois será a única data na provincia de Lugo na súa primeira xira de presentación deste novo traballo dun dos guitarrista máis grande do panorama Español, Aberto Cereijo, ex de Los Suaves. Novos aires para a escena do Rock nacional con grandes melodías que se quedan no maxín con “guitarras contundentes e letras combativas apoiadas por unha progresiva e poderosa base rítmica, cancións destinadas a perdurar”, afirman dende o grupo.

O mestre da guitarra Alberto Cereijo e o seu compañeiro nos Suaves, o batería Tino Mojón, volven contar co baixista Diego P. Castro, incorporando como novidade ao cantante galego Pedro Regueira. Este novo proxecto chámase N.E.O e o seu primeiro traballo discográfico publicouse en xaneiro de 2019 co título de “N.E.O – Objeto cercano a la Tierra“.

O concerto empezará ás 22:00 h. e o prezo das entradas é de 10 euros anticipada e de 14 en billeteira.

Pensando xa no domingo 9 de xuño, a Agrupación Cultural Peleiriños organiza, coa colaboración da Deputación e do Concello de Sarria, a X Xuntanza Infantil na Casa da Cultura a partir das 12:00 h. Ademais da actuación das formacións da entidade anfitriona participará a Agrupación Cultural Filseira de Outeiro de Rei.