O delegado territorial da Xunta en Lugo, José Manuel Balseiro, acompañado dos alcaldes dos respectivos municipios, presentou este venres o proxecto da obra que se atopa pendente de formalización, estando os traballos xa adxudicados á empresa Bascuas. A iniciativa ten un custe global de 61.200 euros e está financiada nun 70% con cargo ao orde de mellora de infraestruturas públicas.

A Vicepresidencia da Xunta e Consellería de Presidencia, Administracións Públicas e Xustiza financia un proxecto conxunto para a mellora da estrada que une as localidades de Santalla e Trasliste, nos municipios do Corgo e de Láncara respectivamente.

As actuacións prolongarase en case dous quilómetros desta vía e na totalidade do ancho da calzada -de 4 metros-, así como nas beiravías. Inicialmente acometeranse obras de reparación do firme con dobre rega, para despois reforzar a capa de rodaxe cun aglomerado en quente de mestura bituminosa.

Tamén se contempla a limpeza das beiravías e a disposición dun novo perfilado en forma de ‘V’ e obras de entubado naqueles treitos ou espazos nos que sexa preciso.

Balseiro puxo en valor estas liñas de colaboración entre administracións, que permiten levar a cabo actuacións que benefician directamente aos cidadáns, en particular, aos veciños e usuarios desta vía que serve de nexo de unión entre as parroquias destes dous municipios lugueses.