A Secretaría de acción sindical de CC.OO. en Lugo alédase dos bos datos de paro da capital da Ribeira Sacra, máis se cabe despois de meses con datos moi negativos. Pola contra, o sindicato indicado non ve con bos ollos que “o 90% dos contratos seguen sendo temporais, así como o paro feminino que alcanza un 7% máis que o dos homes”.
Así mesmo, valoran especialmente que a extensión dos Ertes ata o 31 de maio pois do contrario “estaríamos nunha situación dramática de centos de familias nas nosas comarcas”.
Entrando xa en números, a comarca co mellor comportamento neste pasado xaneiro foi Lemos, que acumula 1818 parados/as, pero resta respecto ao mes anterior 95 persoas. En Sarria quedan con 1241 (-18), en Quiroga con 276 (-42) e en Chantada con 731, pero coa mala nova de nesta comarca suman 16 parados/as máis.
NÚMEROS POR CONCELLOS
Comarca de Lemos: Monforte de Lemos 1301 (-58), Bóveda 53 (-7), Pantón 116 (-2), A Pobra do Brollón 73 (-8), O Saviñao 158 (-13) e Sober 117 (-7).
Comarca de Sarria: Sarria 897 (-14), O Incio 48 (-10), Láncara 130 (+7), Paradela 51 (+4), O Páramo 47 (-2), Samos 43 (permanece igual) e Triacastela 25 (-3).
Comarca de Chantada: Chantada 540 (+11), Taboada 113 (+2) e Carballedo 78 (+3).
Comarca de Quiroga: Folgoso do Courel 45 (-10), Quiroga 175 (-23) e Ribas de Sil 56 (-9).
Como remate da nota de CC.OO. lembran demandas xenéricas que teñen enriba da meda do goberno, entre elas a de dotar ao INSS e ao Servizo Público de Emprego de máis recursos humanos para acelerar a tramitación do ‘Ingreso Mínimo Vital’. “Non é de recibo que levemos un ano con miles de familias que téndoo solicitado, seguen sen recibir esta axuda vital”, sinala Mario Docasar.
