A axuda que concede a institución provincial contribúe a impulsar o comercio de proximidade na zona sur da provincia “nuns momentos difíciles, nos que se necesita recuperar a confianza na cidadanía e buscar novas fórmulas de promoción e venda que resulten atractivas”, subliña o Presidente, Tomé Roca.

Esta achega pretende contribuír a combater os efectos da crise económica provocada pola pandemia, sobre todo nas actividades de servizos. Nesta liña, a institución provincial puxo en marcha a campaña EN LUGO, SI co fin de revitalizar o tecido económico da provincia e o emprego nas pequenas e medianas empresas, microempresas e autónomos.

EN LUGO,SI  inclúe accións dirixidas aos propios negocios, traballadores e profesionais dos sectores produtivos para dotalos de ferramentas na actual situación, así como iniciativas dirixidas á cidadanía, difundindo, os valores e fortalezas da provincia e do seu tecido produtivo.

Tamén baixo o paraugas desta campaña, organizáronse os foros Abrindo as portas: o rexurdir do turismo para pulsar o sentir do sector da hostalería e do turismo fronte á campaña deste verán e adoptar decisións que contribúan a mellorar a súa situación.