Este mércores, 29 de agosto, procedeuse a un rexistro xudicial autorizado polo Xulgado de Instrución nº1 en funcións de Garda de Monforte de Lemos, no domicilio do matrimonio, situado na zona das Lamas.

Durante o rexistro realizado interviñéronse na zona do terreo da vivenda oito plantas de marihuana duns dous metros de altura e outras cinco plantas de menor tamaño. Así mesmo, atopáronse outras plantas no interior dun alpendre que utilizaban como ” secadero”, con maquinaria específica para tal fin – deshumidificadores e radiadores-, así como varias plantas -” cogollos”- xa secas e preparadas para a súa distribución.

A zona de plantación contaba con varios focos de alta potencia para dar luz tamén durante o día. Interviñéronse tamén diversos útiles para a venda, embalaxe e distribución de substancias estupefaciente, así como dúas básculas de precisión, un vehículo e catro teléfonos móbiles.

Na súa totalidade, a plantación arroxou un peso bruto aproximado duns 60 quilogramos. O home detido actuaba contactando previamente cos compradores por teléfono, para posteriormente trasladarse co seu vehículo ao momento fixado, no cal realizaba o intercambio entre droga e diñeiro cos clientes, entre os que se atopaban varios menores de idade.

Os detidos tiñan antecedentes penais, no caso do home ata en dez ocasiones nos últimos tempos. Os dous foron postos a disposición xudicial, decretándose nos dous casos a posta en liberdade con cargos. O operativo policial foi levado a cabo pola Comisaría de Monforte de Lemos.