O Hospital Comarcal de Monforte desde o mércores, 15 de abril, non tiña ningún paciente hospitalizado por Covid19. Xa entón se avisaba da provisionalidade da situación porque había varios casos activos en confinamento na casa e podían aparecer novos infectados. Isto aconteceu nas últimas horas. Este luns a última hora da tarde ingresaba un varón de 91 anos que horas despois falecía, sen tempo para rexistrar nos casos que remite Sanidade.

E este martes ao mediodía ingresaba no Hospital Comarcal de Monforte unha muller con Covid19 positivo. Recollíamolo no Xornal de Lemos.