O Concello de Sober vén de comezar o reparto de dúas mascarillas reutilizables para cada un dos nenos e nenas da localidade. Tamén o concello do Saviñao traballa no reparto de mascarillas infantís para os seus nenos.

O persoal de Protección Civil é o encargado de entregalas casa por casa, aproveitando o envío do material escolar para o terceiro trimestre. As mascarillas entréganse xunto cun folleto explicativo de uso.

Está previsto que os nenos e nenas poidan saír das súas casas a partir do vindeiro domingo, seguindo sempre as indicacións do Goberno do Estado.