O Concello de Sarria vén de publicar as Bases que rexerán o proceso de matriculación na Escola Municipal de Música para o curso 2020/2021.
As solicitudes das persoas interesadas presentaranse de forma presencial nas instalacións da Escola de Música de Sarria, sita na rúa Pedro Saco en horario de 10:00 a 14:00 horas e nos prazos seguintes:
1.-Alumnos da Escola con reserva de praza (matrícula de continuidade): do 6 ao 13 de xullo, ambos inclusive.
2.-Alumnos matriculados durante todo o curso anterior á presente convocatoria en música e movemento que solicitan instrumento por primeira vez (matrícula preferente): do 14 ao 20 de xullo, ambos inclusive. Será requisito imprescindible que o ano de nacemento do alumno sexa 2014 ou anterior.
3.-Alumnos de novo ingreso (nova matrícula): do 21 de ao 27 de xullo, ambos inclusive.
Toda a información e acceso á documentación necesaria na páxina web do Concello de Sarria.
