A Secretaría de Acción Sindical de CC.OO. Lugo valora como “moi malos” os datos do paro relativos ao mes de outubro e pon o foco especialmente en Monforte, concello que alcanza os 1.284 desempregados/as, 88 máis que no mes de setembro.
Por comarcas temos a Lemos con 1.816 (+121), Chantada con 697 (+14), Quiroga 294 (+21) e Sarria 1.267 (+61).
Datos desagregados por concellos
Comarca de Lemos: Bóveda 61 desempregados/as (+4), Monforte 1.284 (+88), Pantón 121 (+10), A Pobra do Brollón 70 (+8), O Saviñao 164 (+2) e Sober 116 (+9).
Comarca de Sarria: O Incio 47 (+5), Láncara 129 (+4), Paradela 46 (+2), O Páramo 47 (+3), Samos 38 (+3), Triacastela 31 (+6) e Sarria 929 (+38).
Comarca de Chantada: Carballedo 75 (+3), Taboada 122 (+1) e Chantada 500 (+10).
Comarca de Quiroga: Folgoso do Courel 46 (-3), Ribas de Sil 53 (+5) e Quiroga 195 (+19).
A Secretaría de Acción Sindical, en relación aos malos datos de Monforte, insta ao seu alcalde a convocar o Concello Económico e Social (CES) pois segundo a formación sindical “xa leva dende o 12 de xuño de 2018 sen reunirse cando o Sr. Tomé sabe que ten que convocalo cada tres meses, segundo mandan os estatutos”. Así mesmo din que “lamentan que ao Sr. Tomé non lle preocupen os parados de Monforte xa que supoñen o 72% do paro da Comarca de Lemos”.
Na nota de prensa enviada a este medio, CC.OO. traslada tamén que van denunciar a algúns empresarios do sector da limpeza e do sector de aserradeiros por despedimentos a traballadores estando de baixa por accidente sabendo que era ilegal.
