A Garda Civil detivo a un veciño de León en situación irregular por presentar o permiso de residencia doutra persoa para traballar nunha explotación agrícola no municipio de Láncara. Segundo informou o Instituto Armado e comunican desde EFE, na localidade lucense da Pobra de San Xiao foi detido un cidadán senegalés de 30 anos de idade veciño de León, como presunto autor dun delito de usurpación de estado civil.
O presunto autor en situación irregular supostamente presentou un permiso de residencia dunha terceira persoa coa finalidade de traballar nunha explotación agrícola situada en Láncara, feitos ocorridos desde o mes de setembro do pasado ano ata a actualidade, indicaron as mesmas fontes. A persoa detida en relación con estes feitos foi posta a disposición xudicial, confirmaron as mesmas fontes.
