‘Sen Fronteiras’ percorre varias localidades dun lado e doutro da raia tendo como punto de partida a semellanza do nome destas pero cunha particularidade moi importante. A ‘influencer’ portuguesa, Beatriz Gosta amosaralle aos seus compatriotas as tradicións, cultura, gastronomía, celebracións, espazos naturais, xentes… das vilas galegas que visite, e o chantadino Javier Varela atravesará a fronteira portuguesa para facer o propio cos seus paisanos en relación ás poboacións portuguesas escollidas. E todo aderezado con grandes doses de espontaneidade e diversión.

O formato televisivo, que está coproducido polas portuguesas RTP e SPI, e as galegas M Internacional Audiovisual e TVG, estrease na Galega este sábado 13 de febreiro ás 20:25 h. do serán.

Xornal de Lemos xa informou deste programa en xaneiro, coincidindo coa estrea na televisión portuguesa.