O sindicato CC.OO. agradece o apoio depositado nas recentes eleccións sindicais da louxeira ‘La Campa, S.L.’ que tiveron lugar en Santa Eufemia, Concello de Folgoso do Courel, conseguindo superar a UGT e CIG.

Cun 43% de votos acadados amosan a súa satisfacción e asumen o compromiso de “defender as reivindicacións da plantilla na vindeira negociación do convenio da Pizarra -Lugo-Ourense-“.

O secretario de acción sindical, Mario Docasar, di tamén que impulsarán negociacións coa dirección da empresa para mellorar as condicións laborais tamén en cuestión de prevención e seguridade por mor do risco que sofren coa silicose.