“Quemepongo”, é un centro de formación e asesoramento de imaxe e persoal shopper con delegacións por todo o país, con mais de 20 anos de experiencia no sector da imaxe persoal e corporativa e que contan cunha metodoloxía propia adquirida ó longo dos anos a partir dun estilo moi próximo e persoal, valores que seguen latentes nos profesionais de “Quémepongo” e que aplican en cada un dos seus servizos.
Os alumnos coñeceron como sentirse seguro cun mesmo é a clave do éxito persoal e profesional. A formación no taller impartido centrouse na definición dos compoñentes da imaxe persoal e as claves para descifrar os códigos de imaxe, como se perciben as formas, as liñas, os volumes e as cores asociadas á imaxe persoal, para despois establecer unhas pautas que propicien potenciar a imaxe a través da harmonización e o contraste.
Por outra banda o alumnado traballou tamén na concreción duns criterios para detectar cal é a proxección da imaxe persoal e determinar os estándares de peiteado e maquillaxe para os diferentes niveis de etiqueta social, para poder así elaborar propostas de deseño puntuais ou definitivas, segundo o seu ámbito de aplicación empresarial, artístico ou social.
