A exposición itinerante ‘O Fin do Camiño’ consiste en dez paneis dobres arredor do Camiño de Santiago con fotografías de Eduardo Ochoa e Carlos Puga e textos de Xulio Xiz. A exposición localízase entre a planta baixa do Concello e da Casa da Cultura. Pódese visitar ata o 4 de maio.

E este venres, 30 de abril, a Casa da Cultura da Pobra do Brollón será o escenario do espectáculo Sentido Común, da compañía Tarabela Creativa.

Os actores Ángeles Goás, Carmen Conde e Dani Blanco arman unha obra de narración oral que quere recuperar ‘a toda esa pequena xente que fai grande o mundo, para que non se esqueza a súa memoria, para que todas lembremos que temos algo que contar.’

A obra está dirixida a un público xuvenil-adulto a partir de 13 anos. A hora de comezo é ás 20:15. A entrada é de balde, previa reserva no teléfono 650 624 828.