O BNG de Pantón considera que maioría absoluta do PP no concello é utilizada para gobernar por arroutadas sen planificación e reitera a súa “disposición para construír e promover a favor da maioría social, aínda que non vai ser fácil se a todo o que propón a oposición vota que non o PP” lamentan os nacionalistas que pensan que ”as persoas deixaron de importarlle ao goberno municipal hai demasiado tempo”.

“A falta de transparencia, e gobernar a golpe de decreto da alcaldía, sen orzamentos con modificacións de crédito constantes só demostran a falta de ideas e o incómoda que lle é a democracia a determinadas persoas”, sinalan desde o BNG e

“Non é razoable increpar ás persoas pola súa actividade política nin denigralas por cobrar salarios mentres no concello de Pantón levan anos disfrazando salarios encubertos en forma de dietas, algo que podería ser ‘ilegal’ por abusivo e que poñeremos en coñecemento do Consello Económico e Social tras anos de boas palabras que lonxe de conseguir transparencia e mesura nestas prácticas, vanse incrementando o que visibiliza que é o que lle importa ao PP en Pantón” declara Rosa Ana Prieto Florines, voceira municipal do BNG.